កីឡាករ
ពត៌មានកីឡា
27
Jun
វិសាខា B ក្លាយជាម្ចាស់ជើងឯកពានរង្វាន់បាល់ទះសម្តេចក្រឡាហោម ស ខេង ឆ្នាំ ២០២២
ព្រឹត្តិការណ៍ប្រកួតបាល់ទះក្នុងពានរង្វាន់សម្តេចក្រឡាហោម ស ខេង ឆ្នាំ២០២២ ឈានដល់ទីបញ្ចប់ហើយនៅថ្ងៃអាទិត្យ ទី២៦ ខែមិថុនា ឆ្នាំ២០២២ ដោយសមាគមកីឡាបាល់ទះវិសាខា B ក្លាយជាម្ចាស់ជើងឯក ក្រោយយកឈ្នះក្លិបបាល់ទះរដ្ឋបាលរាជធានីភ្នំពេញ B ក្នុងលទ្ធផល ៣សិត ទល់នឹង ២សិត។ លទ្ធផលវគ្គផ្តាច់ព្រ័ត្រ៖រដ្ឋបាលរាជធានីភ្នំពេញ (B) ២-៣ វិសាខា (B) (២៧-២៩,២៥-២៣,២៦-២៤,១៧-២៥,១១-១៥) ពានរង្វាន់បាល់ទះសម្តេចក្រឡាហោម ស ខេង ឆ្នាំ២០២២ នេះមានក្រុមចូលរួមចំនួន ២១ ដោយបែងចែកជា៤ពូលផ្សេងគ្នា ដោយចាប់ដំណើរការប្រកួតពីថ្ងៃទី៨ ដល់២៦ ខែមិថុនា ឆ្នាំ២០២២ ពោលគឺរាល់ថ្ងៃអាទិត្យ ដល់ថ្ងៃព្រហស្បតិ៍ នៅក្នុងសប្ដាហ៍នីមួយៗ។ ការប្រកួតគ្រប់ប្រកួតធ្វើឡើងនៅកីឡដ្ឋានព្រីនស៍។ ក្រោយប្រកួតសន្សំពិន្ទុតាមពូល ក្រុមដែលមានចំណាត់ថ្នាក់លេខ១និងលេខ២ មានឈ្មោះឡើងទៅទៅវគ្គ៨ក្រុមចុងក្រោយ ដើម្បីបន្តកៅអីរកក្រុមខ្លាំងចូលដល់វគ្គពាក់កណ្ដាលផ្ដាច់ព្រ័ត្រ និងផ្ដាច់ព្រ័ត្រ តែម្តង៕
23
May
ទីបំផុតបាល់ទះកម្ពុជា សងសឹកថៃបានវិញហើយឈ្នះមេដាយសំរឹទ្ធ១ ស៊ីហ្គេម
ក្រុមបាល់ទះកម្ពុជាបង្ហាញទម្រង់លេងល្អខ្លាំងណាស់ ដោយអាចសងសឹកលើក្រុមខ្លាំងថៃ បានមុននេះក្នុងវគ្គផ្ដាច់ព្រ័ត្រយកមេដាយសំរឹទ្ធ ខណៈវគ្គសន្សំពិន្ទុក្នុងពូលចាញ់ ៣-២ កន្លងទៅ។ វគ្គផ្ដាច់ព្រ័ត្រនេះគឺក្រុមបាល់ទះក្នុងសាលកម្ពុជាយកឈ្នះក្រុមថៃ ដោយលទ្ធផល ៣-២ ក្រសោបយកមេដាយសំរឹទ្ធក្នុងព្រឹត្តិការណ៍ស៊ីហ្គេម ២០២២ នេះ។ គេមើលឃើញថា កម្ពុជាលេងសហការគ្នាបានល្អ ពិសេសការចាប់សេវាធ្ងន់ៗរប់សថៃតែម្ដង ស្របពេលការលោតបាំងខាងកម្ពុជាជាឧបសគ្គខ្លាំងដល់ដៃគូ។ រំលឹកដែរថា ប្រភេទកីឡាបាល់ទះក្នុងសាលកម្ពុជាឈ្នះថៃ លទ្ធផល (២៥-២៣) (២២-២៥) (២៥-២២) (១៣-២៥) (១៥-១៣)។ កម្ពុជាទទួលបានមេដាយសំរឹទ្ធ១គ្រឿងលើប្រភេទកីឡាបាល់ទះក្នុងសាលនេះនៃព្រឹត្តិការណ៍ស៊ីហ្គេម វៀតណាម៕
18
May
ប្រកួតចុងក្រោយប្រចាំពូល B របស់បាល់ទះក្នុងសាលបុរស កម្ពុជាត្រូវជួបក្រុមថៃ
ប្រកួតចុងក្រោយប្រចាំពូល B របស់បាល់ទះក្នុងសាលបុរសរបស់ជម្រើសជាតិកម្ពុជាត្រូវជួបក្រុមថៃ នៅវេលាម៉ោង ១១ថ្ងៃត្រង់ ថ្ងៃពុធ ទី១៨ ខែឧសភា ឆ្នាំ២០២២ ក្នុងព្រឹត្តិការណ៍កីឡាស៊ីហ្គេមលើកទី៣១ ឯប្រទេសវៀតណាម។១៨/០៥/២០២២ | ១១:០០ | កីឡដ្ឋាន DAI YENផ្សាយបន្តផ្ទាល់លើផេក សហព័ន្ធកីឡាបាល់ទះកម្ពុជា “ទាំងអស់គ្នាដេីម្បីកម្ពុជា”
18
May
ក្រុមបាល់ទះក្នុងសាលជម្រើសជាតិកម្ពុជាកក់កៅអីឡើងទៅវគ្គពាក់កណ្ដាលផ្ដាច់ព្រ័ត្ត ស៊ីហ្គេមលើកទី៣១
ក្រុមបាល់ទះក្នុងសាលជម្រើសជាតិកម្ពុជាកក់កៅអីឡើងទៅវគ្គពាក់កណ្ដាលផ្ដាច់ព្រ័ត្រដោយស្វ័យប្រវត្តិក្រោយក្រុម ហ្វីលីពីន បានប្រកួតចាញ់ក្រុមថៃ ដោយលទ្ធផល ៣សិតទល់០ នៅរសៀលថ្ងៃចន្ទ ទី១៦ ខែឧសភា ឆ្នាំ២០២២នេះ ក្នុងពូល B ប្រចាំព្រឹត្តិការណ៍កីឡាស៊ីហ្គេមលើកទី៣១ នៅប្រទេសវៀតណាម។ កម្ពុជា នៅសល់១ប្រកួតក្នុងដៃក្នុងពូល B ដោយត្រូវជួបថៃ នៅថ្ងៃ ទី១៨ ខែឧសភា ខាងមុខមុន ត្រូវប្រកួតវគ្គពាក់កណ្ដាលផ្ដាច់ព្រ័ត្រនៅថ្ងៃ ទី២០ ខែឧសភា ឆ្នាំ២០២២៕ “ទាំងអស់គ្នាដេីម្បីកម្ពុជា”
វីដេអូថ្មីៗ
ក្លឹបបាល់ទះវិសាខា VS ក្លឹបស្នងការនគរបាលរាជធានីភ្នំពេញ
ក្លឹបបាល់ទះវិសាខា VS ក្លឹបស្នងការនគរបាលរាជធានីភ្នំពេញ
ក្លឹបបាល់ទះវិសាខា VS ក្លឹបស្នងការនគរបាលរាជធានីភ្នំពេញ
ពានរង្វាន់
2021
2020
2019
2018
ដៃគូរសហការ
